Kreu i Lëvizjes Zgjidhja, Koço Kokëdhima është një nga politikanët që i është bashkuar protestës së sotme për shembjen e Teatrit Kombëtar.
Në një prononcim për News24, Kokëdhima u shpreh se e mbështet këtë kauzë dhe se e ka ndjekur që në fillimet e saj.
Kokëdhima tha se ishte i bindur se Teatri do shembej, pasi sipas tij kauzat e popullit nuk kanë mbrojtje as nga mazhoranca e as nga opozita.
“E kam ndjekur që në fillim kauzën. E mbështes. Politika, përfshirë dhe repartet tradicionale të të ashtuquajturës opozitë e kanë kompromentuar këtë kauzë. Pushteti dhe elita politike e Shqipërisë si pozita dhe opozitën notojnë në të njëjtat ujëra, ndajnë të njëjtat interesa, shtypin njëlloj popullin.
Unë nuk kam qenë bashkëpunëtori Ramës, nuk kam qenë në politikë, kam qenë biznesmen. E kam ndihmuar të vijë në pushtet. Kam qenë kritiku më i madh i tij në 30 muaj që isha deputet. Isha i bindur 100% që teatrin do ta prishnin sepse kauzat e popullit nuk kanë mbrojtje as nga maxhoranca e as nga opozita”, tha ai.
