Kryeministri Edi Rama, i ftuar në emisionin “Fakt,” ka zbuluar strategjinë që ka për të rritur punësimin në vend. Rama e shikon Vettingun të lidhur ngushtë punësimin e shqiptarëve sepse kur udhëton jashtë vendit në çdo rast investitorët e huaj i kujtojnë problemet me gjykatat në Shqipëri. Me miratimin ligjeve të Vettingut, në parlament, në shtator, Rama pret që t’i hapen dyert investimeve të huaja dhe ata të hapin biznese të sigurta në vend.
“Në Shqipëri me miratimi e Vettingut do të hapën shumë më tepër vende pune. Vettingu do të ndikojë në ekonomi sepse kjo është ‘A-ja’ e investimeve në Shqipëri. Kudo që shkoi investitorët e huaj më kujtojnë problemet e gjykatave shqiptare”, tha Rama.
Kryeministri ka kritikuar kundërshtarët e tij politik duke thënë se “Opozita ime për këto katër vite ka qenë opozita më e dobët që unë kam parë deri më tani.”
I pyetur, a është dakord me emrat që janë lënë jashtë listave në Partinë Demokratike, Rama ka thënë se “PD-ja ka bërë lista për të fituar zgjedhje jo për t’i humbur ato. Listat në Partinë Socialiste kanë bërë nga drejtuesit e grupeve në qarqet përkatëse.
“Votat e vitit 2013 po të ishin pa koalicione ne merrnim 72 deputetë në bazë të votave që ka marrë partia socialiste.
Ne kemi premtuar se ka pasur 1 milion të pa punë në 2013. Ne kemi punësuar shumë njërëz por nuk kemi zgjidhur problemin e papunësisë.
Kemi paguar 220 milion borxhe që Berisha ka hedhur për rrugët por që nuk i kishte paguar. Fillojmë për pak javë rrugën e Arbrit. Tani kemi mundësinë financiare që të bëjmë investime publike.
Unë nuk i jap makinës, por kam pas gjyshin shofer që fitonte garat në kohën e tij. Kur flas për timon nuk flas për gara me makina. Ata që e shikojnë timonin si gara me makina e shikojnë shumë të kufizuar pushtetin dhe nuk e shikon se shërbim i njerëzve ndaj njerëzve”, tha Rama.
