Kryeministri Edi Rama në deklaratën e mbajtur pak minuta më parë foli edhe për punonjësit e administratës së bashkive të djathta.
Rama u shpreh për ata punonjës që e meritojnë vendin e punës se nuk do të preken, ndërsa shtoi se është koha për një politikë të re në raport me njerëzit e zakonshëm.
“Asnjë grua apo vajzë nuk do të largohet nga puna më bashkitë e djathta që nga sot u ka mbaruar mandati. Shqipëria e këtij 30 qershori nuk fitoi për të majtën por fitoi për të drejtën. Administratat e bashkive të djathta do të vlerësohen vetëm nga pikë shikimi i së drejtës. Ne duhet të reflektojmë menjëherë mbi nevojën urgjente të një përqafimi të sinqertë të të gjithë njerëzve mbi vlerat e meritës. Është koha për një politikë të re në raport me njerëzit e zakonshëm. Respekt cilit do që sot mori pjesë në ndëshkimin final të revolucionit skandaloz imagjinar”, tha Rama.
