Kryeministri Edi Rama në një takim me pensionistët dhe veteranët e Vlorës, bëri thirrje për të përqendruar votat tek një forcë e vetme, Partia Socialiste. Sipas Ramës është me shumë rëndësi evitimi i koalicioneve, pasi siç tha ai, qeverisjet në koalicion nuk janë të duhurat për të çuar vendin përpara.
“Duhet të heqim dorë nga marrëveshjet e turpshme që nuk e lënë Shqipërinë të shkojë shumë më shpejt përpara” tha ai.
“Një parti e madhe është e vetmja forcë që dë duhet besuar. Të voglat nuk duhen besuar, lëre ç’thonë ato”, tha me bindje Rama.
Në vijim të fjalës së tij Rama foli për kontributin e tij personal por edhe të qeverisë për depolitizimin e administratës publike, kryesisht në sektorin e rendit dhe arsimit, për të cilët tha se janë ringritur mbi baza kriteresh profesionale dhe jo më partiake, siç kishte ndodhur për çerek shekulli me radhë.
