Kryeministri Edi Rama ka premtuar se vaksinimi i të gjithë qytetarëve në Shqipëri do të bëhet realitet, ashti si rindërtimi pas tërmetit të 26 nëntorit.
Sipas tij, Shqipëria nuk do të vaksinohet më vonë se vendet e tjera të Rajonit apo edhe të Bashkimit Europian.
“Ashtu siç po bëhet realitet Rindërtimi i shtëpive, shkollave, qendrave shëndetësore e lagjeve të reja, çka askush nuk e besonte kur ra tërmeti shkatërrimtar, ashtu do të bëhet realitet Vaksinimi i krejt popullit, më shpejt se sa shumëkush mund ta mendojë sot dhe aspak më vonë se shumë shtete të tjera në Europë e në rajon po se po. Tiranë, ku sot vaksinimi vazhdoi me bluzat e bardha të Durrësit, Matit, Bulqizës, si edhe me banorët e Shtëpisë së të Moshuarve e personelin e kujdestarëve të tyre.”, shkruan Rama në rrjetin social, Facebook.
Qeveria shqiptare që ka në dispozicion aktualisht rreth 7000 vaksina të cilat janë injektuar tek bluzat e bardha të Tiranës, Shkodrës, Matit, Durrësit e Bulqizës.
