Kryeministri Edi Rama uroi sot fëmijët e Shqipërisë në ditën e tyre, 1 Qershor. Në një postim në profilin e tij në Facebook, ai publikoi një video me pamje të ndërthurura të Shqipërisë turistike me fëmijët në sfond.
Videoja gjithashtu pasqyron edhe përmirësimin e infrastrukturës urbane, ose siç e cilëson Kryeministri, “rilindjen urbane”.
“MIRËMËNGJES dhe gëzuar 1 Qershorin me këto pamje të mrekullueshme të vendit tonë, si edhe pjesëza të transformimeve të Rilindjes Urbane, të përcjella nga vetë fëmijët që janë dhe arsyeja jonë më e madhe për të vazhduar betejën”, thuhet në mesazhin e urimit.
