Kryeministri Edi Rama ka përsëritur sot një tjetër ftesë për opozitës për gjetjen e mirëkuptimin në zgjedhjen e prokurorit të përkohshëm. Ai është shprehur se bashkë me opozitën duhet që të bashkëpunojnë në këtë pikë, edhe pse sipas tij nuk ia ka nevojën opozitës.
“Përfitoj nga rasti ti drejtohem përsëri me thirrjen që ne ta shfrytëzojmë këtë moment për të eksploruar çdo mundësi mirëkuptimi dhe për të dalë me një zgjedhje të mirëkuptuar mes palëve të prokurorit të përkohshëm, ne e kemi qartësisht mundësinë dhe të drejtën për ta zgjedhur prokurorin e përkohshëm me shumicën që kemi në dispozicion, por ashtu si kishim mundësinë të hynim në zgjedhje pa i shtrirë dorën opozitë dhe nuk e shfrytëzuam atë në emër të diçkaje më të madhe që është interesi kombëtar, sot përsëri ne jemi me syrin e momentin jo me qëllime të tjera përpos qëllimit strategjik”– tha Rama.
Ndërt të tjera, Rama është shprehur se nuk po na dërgon nevoja që të trokasim në derën e opozitës, por kjo është vetëdija për më të mirën e vendit tonë.
“Ne jemi shumica që e shikojmë këtë çështje jo me syrin e momentin, jo me qëllime të tjera, përpos qëllimit strategjik të vendit tonë për çeljen e negociatave me BE. Jo vetëm nga ana jonë, por edhe nga ana e opozitës ne mund ta kemi si një lloj ndërmjetësim se përfaqësuesit e popullit shqiptar në shumicë dhe në pakicë po bëjnë për popullin e tyre.
Jemi më afër se asnjëherë për çeljen e negociatave ne duhet që të bëjmë progres, që të mos ngremë asnjë alibi dhe se vendet anëtare të mos ngurrojë të ngrejë dorën për çeljen e negociatave me BE. Normalisht që çelja e negociatave nuk varet nga Shqipëria, por që edhe vendet anëtarë të mos ngrenë alibi dhe justifikime. Nuk ka diskutim se dëshira është që të kërkojmë mirëkuptim, por kjo të jetë e një pakti për Evropën”, u shpreh Rama gjatë mbledhje së grupit parlamentar të PS-së. TIRANA TODAY
