Kryeministri Edi Rama, ka folur hapur për heshtjen e çameve në një interviste dhënë për gazetën greke “Ta Nea”. Ai është shprehur se çështja çame do të trajtohet si çështje territoriale, por si një e drejtë themelore. Kështu, Rama i është përgjigjur dhe deklaratave të forta të Presidentit grek, i cili dy ditë më parë është shprehur se nëse Shqipëria pretendon çështjen çame ta harrojë Evropën.
Rama ka theksuar se nuk mund të pranohet pozita e sotme e këtyre njerëzve që kanë të drejtat e tyre.
“Unë nuk besoj se çdo person i matur do të pajtohej me pozitën që këta njerëz kanë të drejtë për të udhëtuar dhe për të vizituar Greqinë apo që ata dhe fëmijët e tyre duhet të jetë në gjendje për të kërkuar të drejtat pronësore nëpërmjet gjykatave si normalisht ka të drejtë çdo qytetar evropian”, tha Rama, raporton media greke, duke iu referuar intervistës në Ta Nea.
“Çamët kanë të drejtat e tyre dhe nuk mund të ndalohen për të drejtat e tyre”- thotë ai. Duke shtuar se nuk mund të imagjinohet që në shekullin e 21 disa njerëz nuk mund të hyjnë dot në Greqi.
Në të njëjtën kohë, Rama ka theksuar se “jemi pranë arritjes së një marrëveshjeje për kufijtë detarë që do të jetë një marrëveshje e drejtë për të dyja vendet, Shqipërinë dhe Greqinë”. TIRANA TODAY
