Mes zhvillimeve politike ku çështja më e nxehtë e diskutimeve është ajo e ish-ministrit Saimir Tahiri, i cili është implikuar në përgjimet e dy trafikantëve të drogës të arrestuar në Itali,
Kryeministri Edi Rama thirri me urgjencë në Kryeministri ministrin Fatmir Xhafaj në ambjentet e Kryeministrisë për zhvillimet e nxehta politike të orëve të fundit. Flitet se arsyeja e këtij takimi ishte çështja Tahiri dhe kërkesa e prokurorisë për dorëzimin e mandatit të këtij të fundit, me qëllimin hetimin e tij. Në media flitet se ish-ministri Saimir Tahiri është implikuar në përgjimet e dy trafikantëve të drogës të arrestuar në Itali.
Takimi ‘kokë më kokë’ mes kreut të qeverisë dhe Xhafajt zgjati vetëm pak minuta.
Ndërkohë deputetët e PD-së i kanë bërë thirrje sot kryeparlamentarit Gramoz Ruçi që të mbahet mbledhja e Këshillit e Mandatit të Rregullores për të diskutuar rreth imunitetit të Tahirit.
Takim i Ramës dhe Xhafës vjen fill pas kërkesës që bëri në Kuvend sot Prokuroria, ku kërkon heqjen e imunitetit për të arrestuar Tahirin.
