Kryeministri Edi Rama, me anë të një statusi në rrjetin social “Facebook”, ka bërë të ditur se është takuar me Presidentin e Turqisë Recep Tayyip Erdogan.
Ka qenë vetë Rama që ka zbardhur një pjesë të takimit, duke u shprehur se ka biseduar për disa projektet të përbashkëta. Bëhet fjalë për aeroportin e Vlorës dhe linjën ajrore shqiptare.
“Në Stamboll për Kongresin Botëror të Naftës nesër. Sot në rezidencën e Presidentit Erdogan, ku sapo përfundoi takimi prej 90 minutash, mbi projektet e përbashkëta. Progres i qenësishëm për aeroportin e Vlorës dhe linjën ajrore shqiptare, me asistencën logjistike e teknike të Turkish Airlines✌️????”, shkruan Rama në “Facebook”.
