Kryeministri Edi Rama ka zhvilluar një takim mëngjesin e kësaj të mërkure në Kryesinë e Kuvendit. Në takim me kryeministrin ishin kreu i Kuvendit, Gramoz Ruçi, kryebashkiaku Erion Veliaj, Drejtoresha e kabinetit në Kryeministri, Vali Bizhga, dhe sekretari i përgjithshëm i Kryeministrisë, Engjëll Agaçi.
Takimi në fjalë po mbahet lidhur me ndryshimet ligjore mbi Teatrin Kombëtar. Ndërkohë, takimit i është bashkuar më vonë edhe Ilir Beqja, relator i ligjit për Teatrin.
Mbledhja zhvillohet një ditë pas miratimit të dekretit të presidentit Meta për Teatrin, vetëm nga mazhoranca në Komisionin e Veprimtarisë Prodhuese. Pas miratimit, kryetari i këtij Komisioni, Eduart Shalsi, deklaroi për mediat se do të prezantojnë draftin e Ligjit të Teatrit në Kuvend, të enjten.
Një nga pikat kryesore që pëson ndryshim në ligjin e ri për Teatrin Kombëtar, pas kthimit nga presidenti dhe sugjerimeve nga Brukseli, është hapja e garës për të gjitha kompanitë.
