Kryeministri i Shqipërisë Edi Rama ka dhënë një intervistë për median spanjolle, ndërsa ka folur në lidhje me punën e tij si kryeministër, sfidat, politikën e brendshme dhe qëndrimin e Shqipërisë përballë sfidave integruese deh marrëdhëniet e ndërtuara me vendet e tjera. Kryeministri Rama ka folur gjatë në lidhje me sfidën e Shqipërisë dhe marrëdhëniet që ka vendi ynë me Spanjën-shkruan Tirana Today
Në pikëpamjen e kryeministrit Rama, marrëdhëniet mes Shqipërisë dhe Spanjës janë të shkëlqyera, ndërsa shtoi se nuk e kupton prezencën e izoluar të shtetit spanjoll në gadishullin e Ballkanit, duke marrë në konsideratë fuqinë që disponon ajo-shkruan El PAIS.
Teksa është pyetur për planet e Shqipërisë dhe marrëdheniet më të ngushta që ka Shqipëria, kryeministri Rama është përgjigjur: “Me Italinë, Greqinë, Turqinë, Gjermaninë dhe Zvicrën, ku jetojnë shumë shqiptarë. Me vendin evropian ne bashkëpunojmë më së shumti është me Gjermaninë, e cila po përfshihet në procesin për të përmirësuar lidhjen, menaxhimin e energjisë ose zhvillimin digjital. Vende të tjera si Franca, Mbretëria e Bashkuar dhe vendet skandinave janë më të pranishme në Ballkan. Në çdo rast, shumë më tepër se Spanja”-tha Rama.
Rama thekson se Shqipëria ka konsiderata të larta me Spanjën, ndërsa prania e saj në Ballkan do të krijonte një qasje të re-shkruan Tirana Today
“Kemi marrëdhënie të mira me Spanjën. Unë kurrë nuk e kuptoj pse Spanja nuk është më aktive në rajon. Duhet të ketë më shumë bashkëveprim midis vendeve tona, sepse Spanja është një fuqi e madhe; Duhet të ketë më shumë bashkëpunim mes dy vendeve. Spanja nuk është shumë e pranishme në Ballkan: është një nga pak vendet evropiane që nuk kanë shumë prezencë në rajon. Diçka që nuk kuptohet, sepse nga Shqipëria kemi shumë respekt dhe konsideratë për spanjollët”-shprehet Rama.
Kreu i qeverisë ka folur edhe për Forumin Ekonomik Botëror, ndërsa ka theksuar se ky ishte një moment i mirë për Shqipërinë, pasi sipas kryeministrit, ka patur takime konstruktive ku është biseduar për të ardhmen dhe integrimin e Shqipërisë dhe Maqedonisë.
Për Ramën, marrëdhënia e Shqipërisë me Shtetet e Bashkuara të Amerikës është në nivele shumë të larta, ndërkaq ai ka shtuar se shqiptarët janë populli më proamerikan në Evropë, ku toka e premtuar është parë si një mollë, që të gjithë kanë dashur ta “kafshojnë”.
“Shtetet e Bashkuara janë një aleat strategjik për Shqipërinë për shkak të historisë sonë dhe për shkak se gjatë periudhave të gjata të diktaturës ne u bombarduan ditë e natë me propagandë kundër Shteteve të Bashkuara. Kjo është arsyeja pse Shtetet e Bashkuara u bënë mollë e ndaluar që të gjithë shqiptarët donin të kafshonin. Aktualisht, shqiptarët janë qytetarët më pro-amerikanë në Evropë; Unë mendoj se Shqipëria mund të jetë vendi më pro SHBA se Teksasi”-thuhet në intervistë. TIRANA TODAY
