Kryeministri Rama, gjatë takimit të tij elektoral në Kukës nuk ka lënë pa sjellë në vëmendje edhe deklaratën e ish-deputetin e Partisë Demokratike, Aurel Bylykbashit.
Rama deklaroi se nuk do të këtë vëllavrasje në 30 qershor, por zgjedhje, ku qytetarët do të votojnë që në bashkitë e vendit të vijojnë punët normalisht.
“Vëllavrasje nuk ka pse të ketë,. Por problemi është se këtu janë çmendur të gjithë njëherësh, Nga njëra ana është kafja dhe nga ana tjetër është Saliu, që duket sikur ka dalë nga Red Bulli”, tha Rama.
Kryeministri foli edhe për përgjimet e gazetës gjermane Bild, ku edhe u shpreh se opozita synon t’i hedhë baltë Shqipërisë, para opinionit ndërkombëtar.
Deklarata e plotë:
“Vëllavrasje nuk ka pse të këtë,. Por problemi është se këtu janë çmendur të gjithë njëherësh, Nga njëra ana është kafja dhe nga ana tjetër është Saliu, që duket sikur ka dalë nga Red Bulli. Se kur iki unë e vendosni ju, e vendos shumica, por e vendos edhe unë. Një gjë mos e harroni asnjëherë”: Këta bërtasin sepse kanë frikë. Kur bërtet Saliu, mua s’më pëlqen, por fundja është një burrë, por kur bërtet Luli? E gjitha për ta bërë shqipërinë baltë e copë. Ne jemi me të drejtën dhe kush është me të drejtën vuan, nuk ecën gjithmonë ashtu siç do, por në fund do të shpërblehemi nga e drejta jonë”.
