Kreu i Qeverisë, Edi Rama, në takimin e mëngjesit që e zhvilloi me banorët e Njësisë Nr.6 në Tiranë, nuk la pa përmendur edhe presidentin Ilir Meta. Ai e krahasoi kreun e shtetit me hënën, ku u shpreh se Meta është si “hëna, herë e plotë e herë e qorruar komplet”.
Referuar vendimit të Presidentit për anulimin e 30 qershorit si data e zgjedhjeve, Rama u shpreh se Meta, sipas tij, e bëri një veprim të tillë për të nxitur dhunën, ndërsa shtoi se tani nuk thotë as një fjalë për të.
“Ka bërë gjëra të mira, ka bërë gjëra të këqija, nuk kemi ça i bëjmë, është personazh kompleks.
E bëri për të nxitur dhunën pa diskutim dhe ka gjithë këto ditë që sa ka thënë një fjalë kundër dhunës, përkundrazi. Ajo ishte fatale për të. Gabim fatal, nuk e bën kurrë një President Republike një gjë të tillë, në asnjë aspekt. Ai është si Hëna, që rrotullohet herë është e plotë herë është e qorruar komplet”, tha Rama.
