Edhe një herë kryeministri Edi Rama ka paralajmëruar Bashkimin Evropian, lidhur me ndikimin rus në rajon. Me anë të një “shantazhi moral” Rama, po përpiqet të nxisë BE të absorbojë vendin e tij sa më shpejt që të jetë e mundur.
“Nuk do të ishte mirë që BE të linte Ballkanin si një zonë gri në të cilën palët e treta të merrnin fjalën,” tha Rama për gazetën gjermane “Welt”.
Ndërsa na ana tjetër ai është shprehur se: “Nuk duhet të harrohet se Shqipëria tashmë është anëtare e NATO-s dhe se është paradoks që nuk jemi në BE. Kohët e fundit është parë ndikimi rus në Mal të Zi ku ende mund të jetë prezent. Një shtetet anti-NATO apo anti – BE është ka mundësi realiste që të jetë nën ndikimin e Rusisë. Ndikimi i Turqisë dhe i shteteve arabe është aktualisht në rritje, ndërsa Moska është më e fokusuar në shtetet sllave. Por “kartela e Rusisë” gjithmonë është tërheqëse”.
Rama pret që negociatat e pranimit në BE të fillojnë së shpejti. Shqipëria ka përmbushur të gjitha kërkesat e Komisionit Evropian, duke përfshirë një reformë gjithëpërfshirëse të gjyqësorit.
“Sinqerisht, mendoj se ne mund të kemi nisur bisedimet e aderimit tani sepse ne i kemi përmbushur obligimet tona. Më e rëndësishmja ishte reforma e gjyqësorit, zbatimi i të cilave ishte i vështirë. Ne kishim për të ndryshuar kushtetutën tonë dhe kjo nuk është diçka e zakonshme”.
Ndërkohë, kontrollet kufitare janë shtrënguar për të zvogëluar numrin e shqiptarëve që largohen nga vendi për të kërkuar punësim në BE. Mbi të gjitha, Franca kishte bërë kërkesë, pasi numri i azilkërkuesve shqiptarë atje në vitin 2016 ishte rritur ndjeshëm.
Megjithatë, Rama kritikoi shprehjen se “shqiptarët janë më keq se banorët e tjerë të Ballkanit”, duke u shprehur: “Procesi nuk është i drejtë: vitin e kaluar, 50 mijë kroatë u larguan nga vendi i tyre. Por askush nuk llogaritet, sepse ata janë qytetarë të BE. Ata po kërkojnë punë diku tjetër dhe kjo konsiderohet normale. Nëse njerëzit tanë bëjnë këtë, ata duhet të aplikojnë për azil sepse nuk kanë qasje në tregun e punës të BE”. TIRANA TODAY
