Kryeministri Edi Rama ka publikuar një video nga kontrolli i kryer, gjatë ditës së sotme në Gjirin e Gjipesë, në kuadër të aksionit anti-informalitet.
Krahas videos të shpërndarë në Facebook, Rama shkruan se policia e çliroi këtë hapësirë nga zaptuesi i radhës, i cili u merrte lekë njerëzve duke vendosur çadra e shezllone në mënyrë të paligjshme.
Postimi i plotë:
Kush e ka parë Gjirin e Gjipesë, një nga xhevahiret më fantastike të Mesdheut, e ka me siguri parasysh shtegun e dhive për të zbritur deri poshtë, nën shkëmbin gjigand të çarë si me thikë. Sot nëpër atë shteg u desh të zbriste policia, për ta çliruar gjirin nga zaptuesi i radhës, që u merrte lekë njerëzve pasi e kishte dhunuar atë bukuri të virgjër, me çadrat e me shezllonët e tij.
