Kryeministri Edi Rama ka publikuar në rrjetin e tij social “Facebook” një video të regjisorit të njohur Leka Bungo, përmes të cilës tregon qëndrimin e këtij të fundit për çështjen e Teatrit Kombëtar.
Gjatë një interviste dhënë për emisionin “Zonë e lirë”, Bungo shprehet se është pro shembjes së teatrit dhe ndërtimit të një godine të re.
Sipas tij, ndërtimi i tij duhet të ishte bërë vite më parë, ndërsa e cilësoi godinën aktuale të pavlerë.
“Ja çfarë mendon për çështjen e teatrit një protagonist i njohur i skenës kombëtare, regjisori Leka Bungo -i cili, sa për ta ditur, njësoj si Raimonda Bulku e shumë të tjerë, jo vetëm s’ka asnjë lidhje me Partinë Socialiste, po përkundrazi”, shkruan Rama krahas video-s.
https://www.facebook.com/edirama.al/videos/630624134096828/?t=2
