Duke iu referuar financimit rus në PD, kryeministri Rama thotë se çorba e rublave u gatua në Tiranë gjatë një vizite të përfaqësuesit të presidentit rus, që u vlerësua shumë e rëndësishme nga zyra e Berishës.
Sipas Ramës, pritja që i ka bërë në vitin 2010, përfaqësuesit rus, Kostantin Kosachev është vlerësuar nga ish-kryeministri Sali Berisha si “shumë e rëndësishme”. Sipas kreut të qeverisë, ky takim ka ndodhur “një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg”.
Statusi
Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata!
Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata! pic.twitter.com/fzXx9nUyJW
— Edi Rama (@ediramaal) November 12, 2022
Kostantin Kosachev është i besuari i presidentit rus Vladimir Putin që takoi Sali Berisha në Tiranë rreth 1 muaj para votimit të rezolutës së Dick Marty në KiE. Pasi Duma Ruse aneksoi 4 rajonet e Ukrainës, Putin urdhëroi mobilizimin e pjesshëm të rezervistëve rusë duke nënkuptuar se përdorimi i armëve bërthamore ishte i mundur.
Këtë e mbështeste edhe i besuari i tij, Kosachev, i cili në shtator 2022 tha: “Mbrojtja e njerëzve në këtë rajon nuk do të jetë e drejta jonë, por detyra jonë. Një sulm ndaj njerëzve dhe territoreve do të jetë një sulm ndaj Rusisë që do të ketë të gjitha pasojat”.
