INSTAT , ndryshe nga raportimet e zakonshme, thuajse të përditshme, dje i kushtoi vëmendje të posaçme publikimit të raportit të radhës , duke e prezantuar atë në një konferencë për mediet.
Sipas këtyre të dhënave, PBB në tremujorin e parë të vitit 2017 vlerësohet me rritje prej 3,94 %, kundrejt tremujorit të parë të vitit 2016.
Edhe Kryeministri nuk është vonuar në promovimin e shifrave të INSTAT.
Në një postim, me anë të të cilit u thotë shqiptarëve, “mirmëngjes”, Rama shkruan: “Ju uroj një ditë të mbarë me këtë pamje fantastike nga plazhi i Ksamilit, një prej destinacioneve më të preferuara të turistëve vendas e të huaj, bashkë me lajmin inkurajues se turizmi vijon të jetë një prej faktorëve më të rëndësishëm të rritjes ekonomike që tre-mujorin e parë të këtij viti u shtua me +3.94%, ndërkohë që investimet e huaja për të njëjtën periudhë u rritën me +8%.”
Shifra që pati impakt, reflekton në mënyrë shumë të përpiktë trendin e parashikimit të Kryeministrit, i cili në shkurt të këtij viti pat thënë: “Rritja ekonomike sot është 3.5 %, të shkojmë në një rritje që me patjetër të jetë 6 e më shumë %, por së paku duke kaluar nivelin e 5 %”
