Ndihmës Sekretarja për Byronë e Çështjeve Evropiane dhe Euroaziatike, Karen Donfried, ka mbërritur në Kryeministri ku po zhvillon një takim me kreun e qeverisë Edi Rama.
Në këtë takim, diplomatja amerikane shoqërohet edhe nga ambasadorja e SHBA në vendin tonë, Yuri Kim, si dhe nga zëvendës Ndihmës Sekretari i Shtetit i SHBA për Çështjet Europiane dhe Euroaziatike, Gabriel Escobar.
Bëhet me dije se fokusi i bashkëbisedimit me Ramën do të jetë politika e jashtme dhe integrimi në BE, kriza në Ukrainë apo integrimi në Bashkimin Europian. Por edhe zhvillimet politike në vend, si Reforma në Drejtësi dhe lufta kundër korrupsionit.
Pas takimit me Ramën, zyrtarja e DASH do të takohet në Kryesinë e Kuvendit me deputetët e PD-së, Enkelejd Alibeaj, Jorida Tabaku si dhe Gazment Bardhin.