Kryeministri Edi Rama në Rrëshen deklaroi se Partia Demokratike është në fazë rilindjeje.
“PD-ja është ne fazë rilindjeje, do ta rilindim edhe Partinë Demokratike. Listat e Deputetëve të PD-së janë vonuar se Luli fle gjumë, zgjohet vetëm para kamerat, pasi fiken kamerat ai fle sërish gjumë.
Demokratët duhet të na kthejnë borxhin se Luli dhe partia e tyre nuk bëjnë dot asnjë punë.
Jam tmerruar nga PD-ja se nuk kanë asnjë grua në Kukës, asnjë grua në Berat, asnjë grua në Gjirokastër, asnjë grua në Fier. Dhe sikur ata të marrin rezultatin më të mirë ata nuk çojnë dot në parlament më shumë së 10 gra. Ne arritëm aty ku nuk ia priste mendja njeriu, bëmë një qeveri me 50% gra dhe 50% burra. Dhe iu them grave mbajini mirë burrat dhe çojini ke kutia e votimit se çerek shekulli i ka çoroditur Saliu. Iu them grave dhe vajzave që mos ta tolerojnë votën lart dhe poshtë por ta çojnë votën tek Partia Socialiste.
Grave demokrate, burrat çojini në mitingjet e Partisë Demokratike se kanë ngelur dhe ato mitingje me 5 veta, ama ke vota Partinë Socialiste po ju them, sepse nuk e duan burrat tuaj Lulin sa e dua unë. Shpresa e këtij vendi janë gratë. Këtë vend e kanë marrë më qaf burrat, tha Rama.
