Kryeministri Edi Rama ka folur dje në studion e emisionit “Opinion” në TV Klan, mbi arrestimet që janë bërë në radhët e PS-së. Ai tha se çdo ministri ia ka bërë të qartë se përgjegjësia është personale.
Por ai paralajmëroi se mund të shkojnë të tjerë emra në burg, pavarësisht nëse ata janë bashkëpunëtorë të tij të afërt. Madje i pyetur mbi një takim me Lefter Kokën ku pinte verë, Rama tha se nuk kompleksohet që ai rra në burg, dhe nuk është çudi që edhe të tjerë të përfundojnë atje. “Unë sot jam dhe me të tjerët e që ndonjëri mund të gjendet në burg. Në rast se ti bën diçka të pakonsultuar me babain tënd, ka përgjegjësi babai juaj?”, deklaroi ai.
Kreu i qeverisë Edi Rama është ndalur edhe tek arrestimi i ish-deputetit të Partisë Socialiste, Alqi Bllako. Ai tha se nëse dikush fut duart në xhepat e të tjerëve, do të mbajë përgjegjësi dhe është SPAK që heton. “Alqi Bllako nuk ka asnjë të sharë për sa i përket punës. Këto janë rezultate të një hetimi të thelluar. Këtë çështje do ta hetojë SPAK. Nuk është përgjegjësia ime nëse një ministër lajthit e bën ato gjëra. Kush do të fusë duart në xhepat e të tjerëve, të vazhdojë”, deklaroi ai.
Kryeministri Edi Rama ka mohuar të ketë takuar ish-ministrin e Brendshëm në burg. I ftuar në “Opinion”, Rama tha se nuk ka asnjë motiv që e çon të takojë një të burgosur.
Pjesë nga biseda:
Blendi Fevziu: Keni shkuar ta takonit në burg Tahirin?
Edi Rama: Nuk janë pyetje që i bëhen një kryeministri nga studioja më…po themi…megjithatë…
Blendi Fevziu: Nuk do të ishte një gjest negativ
Edi Rama: S’kam asnjë arsye të vizitoj asnjë të burgosur dhe nuk dua të vazhdoj këtë koment….
