Kryeministri Edi Rama ka bërë një prononcim për median pas mbylljes së seancës parlamentare në të cilën tha se iku koha kur bëhej show në parlament. Rama tha se opozita është për të ardhur keq në çorodi totale. Gjithashtu, kryeministri tha të mos shkelen rregullat e bashkëjetesës të vendosura bashkërisht në sallën e Kuvendit.
Rama: Jemi në një pozitë të vështirë, nuk po ja dalim dot që të arrijmë në momentin që opozita të kuptojë që parlamenti nuk është një klub i të dehurve ashtu si ishte deri më 25 qershor. Parlamenti është një grup rregullash të ndërmarra bashkërisht. Parlamenti ka funksionuar dhe do të funksionoj do apo nuk do Partia Demokratike. Iku koha kur merrej fjala dhe në parlament flitej jashtë çdo lloj rregulli. Opozita të mos kërkoj shkeljen e rregullores në emër të lirisë për të çuar përpara agjendën e vend. E përdorin lirinë për tu ankuar për mungesën e saj dhe jo për të treguar ankesat e tyre. Është rihapur çadra, ka filluar një proces vetëpengues i opozitës së kërkon debat dhe nuk bën debat, kërkon të diskutoj dhe nuk diskuton. Është një opozitë që nuk merr dot përgjegjësi në raport me veten dhe më pas në raport me njerëzit që e votojnë. Të mos shkelen rregullat e bashkëjetesës të vendosura bashkërisht në sallën e Kuvendit.
