Kryeministri Rama ka reaguar në Ditën e Rinisë, që shënon dhe 30 vjetorin e rënies së komunizmit. Shefi i qeverisë shkruan në Facebook, se 30 vite janë shumë në rrugën e një njeriu, por jo në rrugën e historisë së një vendi.
E sidomos kur kjo është koha e kalimit nga një diktaturë ekstreme, në një demokraci funksionale. Ai e ka konsideruar si një privilegj të jashtëzakonshëm të qenurit pjesë aktive e përpjekjeve, përgjatë kësaj rruge.
Statusi
30 VJET janë shumë në rrugën e një njeriu, por jo edhe aq në rrugën e historisë së një vendi e sidomos kur kjo është koha e kalimit nga një diktaturë ekstreme, në një demokraci funksionale.
Bëhen plot 30 VJET sot nga dita, apo më saktë mbrëmja e daljes së studentëve në rrugën pa kthim të daljes prej diktaturës.
Vite të jashtëzakonshme në jetën e shoqërisë sonë dhe një privilegj i jashtëzakonshëm të qenurit pjesë aktive e përpjekjeve përgjatë kësaj rruge, së bashku me nderin e madh të udhëheqjes së vendit në 7 vitet e fundit, pavarësisht thinjave të shtuara me një shpejtësi marramendëse në këto vite.
