Kryeministri Edi Rama po zhvillon një takim elektoral në Finiq prej ku theksoi se qeveria do bëjë më shumë për zonën gjatë mandatit të ardhshëm.
Kreu i Qeverisë i bëri thirrje qytetarëve që të votojnë kandidatin e zonës, Kristaq Kiço pasi sipas tij ai e meriton:
“Kandidati ynë e meriton votën tuaj. Kërkojmë të bëjmë më shumë për këtë zonë. Jam këtu për të dhënë mbështetje. Punët e kryera këtu nuk mjaftojnë. Vota i duhet dhënë Kristaqit sepse është njeri i urtë. Çdo bashki duhet të bëjë punën përgatitore. Në katër vitet e ardhshme me Kristaqin do bëjmë më shumë seç kemi bërë në 4 vite.
Për sa na takon mbështetja jonë do të jetë e plotë me aq sa mundësi kemi. Nuk mund të mohoj që kemi bërë gabime dhe punë të kritikueshme. Por nuk i kemi bërë me qëllime të errëta. Do ndërtojmë aeroportin për të shkurtuar rrugën me Athinën. Do fillojmë ndërtimin e aeroportit, por nuk dua të jap data dhe afate se na ka ndodhur që i kemi dhënë dhe nuk i kemi mbajtur dot si në rastin e aeroportit të Vlorës.
Kjo jo për shkakun tonë, por për shkak të kompanive partnere.
Ka ardhur koha t’ia japim këtë gjë jugut, sepse kjo zonë ka nevojë për mikpritje dhe këtë pikë ulje dhe dalje që i mungon.
Bukuria e jugut është atraksion për turistët”.
