Kryeministri Edi Rama është pritur sot nga kryeministri Paolo Gentiloni në Itali, ku po zhvillon një vizitë zyrtare.
Dy kryeministrat kanë zhvilluar një takim, ndërsa pritet që ata të dalin në një konferencë të përbashkët.
Takimi mes Gentilonit dhe Ramës zhvillohet në pritje të hapjes së negociatave të anëtarësimit të Shqipërisë në BE, teksa Italia mbetet një nga mbështetësit kryesorë të rrugëtimit të vendit tonë në Bashkimin Evropian.
Disa çështje të tjera që pritet të diskutohen në takimin mes Gentilonit dhe Ramës janë marrëdhëniet ekonomike e projektet e përbashkëta, kërkesa e shtimit të numrit të investitorëve italianë në Shqipëri, lufta e përbashkët kundër krimit të organizuar e trafiqeve ilegale, çështja e sigurisë kundër rrezikut të terrorizmit ndërkombëtar.
Gjithashtu, kryeministri Rama do të takohet gjatë kësaj vizite zyrtare edhe me Presidentin e Senatit italian, Pietro Grasso.
