Kryeministri Edi Rama zhvilloi një dëgjesë publike në qytetin e Fierit, ku ka dëgjuar ankesat e qytetarëve.
Një prej qytetarëve të pranishëm, i kërkoi ndihmë Ramës për t’i zgjidhur problemin e legalizimit, teksa i tha se ka bërë pagesën për shtëpinë, por akoma nuk e ka marrë atë.
Pas fjalës së qytetarit, është ngritur një përfaqësues i ALUIZNIT, i cili tha se toka është në pronësi të një pronari tjetër dhe janë në proces gjyqësor.
Kryeministri Rama ka ndërhyrë vazhdimisht në debat, duke i thënë qytetarit të mos ndërhyjë, pasi ai e mbaroi fjalën e tij.
Përfaqësuesi i ALUIZNI-t: Personi ka bërë aplikim, hipoteka në atë zonë nuk ka pasur azhornim në atë moment. Zotëria shkon në hipotekë, më pas ka shkuar edhe në gjyq me ALUIZNI-n.
Qytetari: Gënjen, mashtron! Është mashtrues ky zoti Kryeministër!
Përfaqësuesi i ALUIZNI-t: Është në proces gjyqësor pronari i tokës tani. Dosjen ia kanë hapur pronarit.
Rama: Jepja mikrofonin tjetrit, se të dëgjuam…
