Kryeministri Edi Rama ka parë sot nga afër investimin që po bëhet në spitalin e Elbasanit. I shoqëruar nga ministrja e Shëndetësisë, Ogerta Manastirliu, kryeministri takoi nga afër mjekë, infermierë e imazheristë.
Nuk munguan as batutat, teksa Rama foli edhe për fenomenin e vizitave të familjarëve të pacientëve orar pa orar në spital.
“Gjithë sfida tani është të dalë populli nga spitali në kuptimin që spitalet janë për pacientët, të vijnë pacientët me qetësi, me rregull, të ketë orar vizitash për familjarët, por nuk mundet dot të jetë spitali pikë grumbullimi i gjithë dynjasë. Duhet të jetë një territor ku vithet për t’u kuruar e jo për të bërë krushqi”, tha kryeministri.
