Kryemistri Rama, gjatë takimit të radhës së bashkëqeverisjes me qytetarët, tha se Bashkia e Shkodrës refuzon çdo lloj bashkëpunimi. Duke trajtuar rastin e problematikave dhe për bashkitë e tjera, ai theksin e vuri tek e Shkodrës. Po kështu Rama nuk nguroi të theksonte se qytetarët trajtohen si të barabartë, qofshin ata të majtë apo të djathtë.
“Bashkia e Shkodrës mban rekord, pasi refuzon çdo lloj bashkëpunimi, por edhe bashkitë e tjera. Ne përpiqemi edhe me bashkitë për të zgjidhur problemet.
Më vjen keq kur koordinatorët vendosin të dorëzohen, pasi njësitë vendore e konsiderojnë platformën si instrument të palës kundërshtare.
Ne trajtojmë në mënyrë të barabartë të gjithë qytetarët, qofshin të majtë apo të djathtë. Qofshin pleq apo të rinj, të pasur dhe të varfër”, përfundoi Rama.
