Vazhdon përplasja në distancë me komente, video dhe replika të koduara ndërmjet Ramës dhe Metës.
Sot, Kryeministri Rama në një prononcim për mediat e ka ironizuar presidentin duke e krahasuar me Haxhi Qamilin: “Më kujton atë që ju kam thënë me parë Xhike Qamilin që thoshte që sa të kem këtë e atë katund s’pyes për Francën e Italinë”. Kjo deklaratë e kreut të ekzekutivit u bë si përgjigje për një deklaratë të mëparshme të presidentit Meta, i cili kërcënoi: “Do ta shpërndaj parlamentin me dekret”.
‘Meta kërcënoi me shpërndarjen e Kuvendit’, Rama i kthehet me ironi
Pas këtij momenti, presidenti Meta që mesa duket ka ndjekur deklaratën e fundit të Ramës ka reaguar menjëherë. Sërish mesazhi është i koduar për deklaratën e Ramës. Meta me anë të një postimi në facebook, shoqëruar me video nënvizon prerë se Gjykata Kushtetuese është vija e kuqe e cila nuk mund të preket.
“Unë nuk kam ndërmend të tallem me Kushtetutën e Republikës së Shqipërisë, boll janë tallur me Kushtetutën e Republikës të Shqipërisë që u votua me konsensus, te gjykata Kushtetuese vija është e kuqe, dhe është e kuqe flakë” shprehet Meta në videon e postuar në facebook.
Meta bën lëvizjen e radhës, ja çfarë paralajmëron për ditët në vijim
Ndërkohë, pritet që përplasja të thellohet më tej në ditët në vijim. Sipas informacioneve, Meta do të publikojë edhe video, ku sipas zëdhënësit të tij, do të shihet me zë dhe figurë korrupsioni të figurave të tjera shtetërore.
