Kryeministri Edi Rama nuk ka qëndruar në heshtje, por ka reaguar pas ngjarjeve të fundit në Shkodër, duke publikuar edhe shifra. Në një postim në “Twitter”, Rama thotë se sot Policia e Shtetit foli me vepra, ndërsa me llafet e atyre që ikën nga Kuvendi nuk ia vlen të merresh, duke e akuzuar opozitën se bën politikë me krimin.
Pas Shkodrës, sot Partia Demokratike u mblodh në Elbasan, duke zhvilluar mbledhje të jashtëzakonshme, e bojkotuar kështu seancën e sotme parlamentare.
Për të denoncuar situatën kriminale në Elbasan, kryedemokrati Lulzim Basha akuzoi me emra se kush bashkëqeveris me krimin në këtë qytet.
