Kryeministri Edi Rama ka zhvilluar një takim me Ministren e Punëve të Jashtme e Suedisë, Ann Linde.
Në konferencën për shtyp, Rama tha se u diskutua kryesimi i rradhës i OSBE, dhe kriza në Bjellorusi.
Kryeminstri u shpreh se për të gjitha temat e diskutuara, ka një qasje 100% dakordësie me Suedinë.
Edi Rama: “Sapo kemi përfunduar një takim shumë të dobishëm me ministren suedeze të punëve të jashtme, mund ta them me kënaqësi mike të çmuar e cila është këtu si kryetare e radhës e OSBE-së, pasi vitin e ardhshëm, Suedia merr kryesinë dhe njëkohësisht si një partnere e angazhuar e Shqipërisë dhe e Ballkanit Perëndimor në procesin e Integrimit kemi folur për temat e OSBE-së. Kemi prej disa muajsh një kontakt të vazhdueshëm dhe një bashkëpunim të shkëlqyer për të nxitur një dialog në Bjellorusi, por nga ana tjetër në funksion të stafetës së kryesimit, kemi një diskutim konstant mbi të gjitha temat, që janë jo të lehta për të cilat fatmirësisht ne kemi një qasje 100% të dakordësuar.”
Rama tha se së shpejti do të ketë një çelje të një investimi suedez në turizëm.
Edi Rama: ”Projektet e bashkëpunimit me Suedinë kanë sjellë gjithmonë cilësi, mësime dhe kanë vlejtur për të hedhur hapa më tej. Jemi shumë të lumtur që së shpejti do të kemi në Shqipëri çeljen zyrtare të një investimi shumë të vecantë suedez në turizëm dhe shpresojmë që kjo do të vlejë për të promovuar drejtpërdrejt vendin tonë në vendet nordike, por edhe për tërhequr investimet në Shqipëri.”
Suedia do jetë vendi që do marrë kryesimin e rradhës së OSBE.
https://www.facebook.com/edirama.al/videos/817380492423011/
