Kryeministri Edi Rama prezanton krijimin e një fondi për t’iu ardhur në ndihmë personave që nuk kanë mundësi ekonomike. Kjo do arrihet përmes një bashkëpunimin mes qeverisë dhe sipërmarrësve, të cilëve u ka kërkuar që të bëhen pjesë e këtij mekanizimi.
“Dua të prezantoj para jush krijimin e një fondi për Shqipërinë solidare, për të adresuar bashkë me ju nevoja në drejtim të atyre që janë më në hall. Ky është një bashkëpunim mes qeverisë dhe sipërmarrësve, pra mes qeverisë dhe jush si individë secilit prej jush t’i bjerë një barrë thuajse e barabartë përgjegjësie”, tha Rama.
Shefi i qeverisë u shpreh se fatkeqësisht njerëzit e pasur janë vënë në qendër të shënjestrave politike, por, sipas tij, ata mund të bëjnë shumë, duke dhuruar më tepër për shtresat më të varfra të shoqërisë.
Po ashtu, kryeministri ka treguar edhe skemën se si funksionin fondi: “Secilit prej jush t’i bjerë një barrë e barabartë, e cila mund të jetë 2% mbi dividentin, jo të kompanisë, por dividentit tuaj. Mekanizimi nuk do të kontrollohet nga qeveria, por nga ju. Qeveria do të sjellë pranë jush nevojat dhe bashkë me ju, si pjesëtare e një bordi që duhet diskutuar se si do të zgjidhet nga ju dhe si do të bëjë të gjithë procesin, të përcaktojë se cilat janë ato halle dhe ato nevoja të menjëhershme që duhen kthyer në projekt dhe duhen realizuar në terrenin e jetës së përditshme.”
