Kryeministri Edi Rama është shfaqur me një maskë me një trëndafil në njërën anë, duke inspektuar kantierin e ndërtimit në Fushë-Krujë.
Rama i tërhoqi vëmendjen një prej personave që e shoqëronin duke i kujtuar se nga e enjtja maska do të jetë më detyrim përveçse në ambientet e shtëpisë.
“Të enjten maska është me detyrim, kudo, vetëm në shtëpi jo“, tha Rama.
Kryeministri inspektoi lagjen e re ku pas përfundimit të infrastrukturës, ka nisur puna për ndërtimin e banesave individuale për familjet e mbetura pa shtëpi në natën tragjike të 26 nëntorit dhe së shpejti nis puna edhe për pallatet e reja.
Rama tha se 15 pallate banimi me 100 apartamente, 128 shtëpi individuale, shkolla, qendra shëndetësore, zyra shërbimesh publike, zona të gjelbërta si edhe një treg modern për produktet e zonës, do të shtrihen në 10 hektarë tokë.
https://www.facebook.com/edirama.al/videos/506520973638755/
