Kryeministri Edi Rama në një takim të zhvilluar me banorët rreth zonës së Amantias në Vlorë tha se premtimet e Lulit janë absurde dhe krejt të pa baza. Rama tha se Luli premton atë se çfarë i thonë, mund të premtojë dhe që deti bëhet kos dhe se mund te ketë një tren që të dërgon të takosh të vdekurit.
“Me vjen për të qeshur kur dëgjoj Lulin që thotë se rrëzuam gjysmën e qeverisë dhe tani hajde të rrëzojmë gjysmën tjetër. E ka katandisur atë parti në gjysmagjel që zgjohet vetëm kur hapën kamerat. Lulit dhe po t`i thonë premto se do te takohen të gjallët me të vdekurit dhe atë do ta premtonte. Dhe po t`i thoshin premto se do të bëhet deti kos dhe këtë e premton”, tha Rama.
Ndër të tjera Rama thotë se “Duhet të garantojmë që pallati i drejtësisë te jetë i qytetarëve dhe jo i gjyqtarëve dhe prokurorëve të korruptuar.
Nëse ka një gjë që me vjen zor është kur njerëzit janë ndeshur në zyrat e shteti me refuzim. Ko është një sëmundje që i ka interesat te partitë politike.
E vetmja forcë që kemi një skuadër njerëzish që dinë se çfarë bëjnë. Ajo që na ndan dhe ajo që na mban ne dy apo disa kampe është më e vogël se ajo që na bashkon më 25 qershor. Ne duhet të na bashkojë bindja që të mos luajmë me fatet e kombit. Të vendosim me shpejtësi reformat e zhvillimit të shtetit. Na ndihmoni që timonin ta mbajmë të vetëm që të bëjmë shumë më tepër për ju.”
