Kryeministri Edi Rama gjatë një takimi që zhvilloi sot në Memaliaj me fermerët e Luftinjës, vuri në dukje diferencat e mëdha që ka sipas tij, programi i PS me çdo forcë tjetër politike, sa i përket zhvillimit të bujqësisë.
Ai tha se “këta 44 muaj qeverisje, kemi marrë kthesën e fortë të kalimit nga bujqësia e mbijetesës në bujqësinë realisht të mbështetur për të rritur prodhimin, eksportin dhe punësimin në fshat. “Ulëm taksat për lëndët e para, zeruam TVSH-në për makineritë bujqësore, bëmë rimbursimin e TVSH-së për prodhimet e fermerëve, rritëm me 40% fondet dhe me 60% numrin e fermerëve përfituesve. Në vetëm 44 muaj dyfishuam sipërfaqen e tokës bujqësore që ujitet e kullohet, rritëm eksportet bujqësore me 70% dhe vendosëm një raport të ri importe -eksporte të paimagjinueshëm 3 vjet e gjysmë më parë: Nga 7 me 1 më 2013, sot ky raport është vetëm 3.9 me 1. Por të gjitha këto janë larg së qeni mjaftueshëm për bujqësinë që duam” tha ai.
Duke folur në përspektivë Kryeministri premtoi se “Në pjesën e dytë do të sigurojmë ujë për çdo parcelë, do rrisim me 232 milionë dollarë financimet për Bujqësinë dhe me TVSH zero për plehrat kimike, farat, pesticidet dhe fidanët, fermerët do të përfitojnë 20 milionë dollarë të tjera çdo vit”.
Teksa u bëri thirrje bashkëbiseduesve që votat t’i përqendrojnë nën siglën e Partisë Socialiste, se çdo kund tjetër shkojnë dëm, e sidomos te PD, Rama tha “Mos i besoni Lulit…. se nuk po e shajmë se e keni dhëndër Tepelene. Nuk është djalë i keq por aq di, aq bën”. …. në përditësim….
