Kryeministri Edi Rama dhe Kryetari i Bashkisë së Tiranës Erion Veliaj vizituan një familje, e cila është përfituese e programit të banesave sociale të shpërndara nga Bashkia e Tiranës në Shkozë.
Gjatë bashkëbisedimit, Kryeministri Edi Rama deklaroi se shpërndarja e banesave sociale për familjet në nevojë do të duhej të ishte kryer vite më parë. Rama sqaroi se ndonëse projekti për banesat sociale nisi gjatë kohës që ai drejtonte Bashkinë e Tiranës, ai u bllokua nga Lulzim Basha dhe u ‘çlirua’ nga Veliaj.
Ndërsa Kryebashkiaku Erion Veliaj shpjegoi disa nga programet që ofron Bashkia e Tiranës për familjet në nevojë në mënyrë që të përfitojnë strehim.
Gjatë bisedës që patën me familjarët të cilët u shprehën të kënaqur mbi këtë mundësi strehimi Veliaj deklaroi se brenda vitit do të jepen edhe rreth 1000 apartamente sociale.
