Kryeministri i Rama ka deklaruar për herë të parë marrëdhënien e tij me ish-kreun e LSI-së dhe bashkëqeverisjen e tyre për 4 vjet.
“Nuk e kam shtyrë unë Ilir Metën të largohet nga partia Socialiste. Meta i merr vendimet vetë. Kam bashkëpunuar kur kam qene kryetar Bashkie. Kam pasur mbështetjen e tij për punët që kam bërë“,tha Rama.
Po ashtu ai është shprehur se sistemi elektoral i 2008 nuk e ka dëmtuar LSI-në por e ka ndihmuar atë për tu sjellë si mbajtësja e çelësit të qeverive.
Sakaq, Rama është shprehur se gjatë këtyre viteve në bashkëqeverisje me LSI-në e ka dashur koalicionin me të dhe se kanë bërë reforma të mëdha së bashku.
“Secili nga ne ka bërë gabimet e veta. Unë e kam dashur koalicionin me LSI-në si projekt strategjik. Koalicioni ka funksionuar për reformat e mëdha që i kemi bërë së bashku. Sot garojmë secili më vete për mënyrën se si rrodhën gjërat.
Sot partia Socialiste duhet të jetë e vetme për të bërë më shumë punë.
Koalicionet kanë ndikuar për të penguar qeverisjet gjithmonë. I kam lënë aleatëve që të gjejnë gabimet e tyre për këto katër vite”u shpreh ai.
Më tej, ai nuk ka nguruar të sulmojë ish ministrin e Drejtësisë duhe e quajtur si personin e pa përshtatshëm në pozicionin që ju dha.
“Kam respekt për te gjithë ministrat që kam bashkëpunuar, përveç Ylli Manjanit sepse ai nuk ishte personi i duhur për postin që kishte ne qeveri. Çdo njeriu i duhet dhënë një mundësi ndaj e pranova Manjanin në qeveri”, u shpreh Rama në emisionin “Fakt”.
