Kryeministri Edi Rama, mori pjesë në mbledhjen e Task Forcës për zbatimin e masave anti-covid, ku të pranishëm përveç Ministres së Shëndetësisë, Ogerta Manastirliu, ishin dhe inspektorët e punës, ushqimit, shëndetësisë dhe barnave.
Në fjalën e tij, Rama tha se puna gjatë këtyre muajve do të fokusohet te sensibilizimi, edukimi, ndërgjegjësimi i publikut për të mbajtur maskat dhe të gjitha rregullat e higjenës per t’u mbrojtur nga Covid-19.
Kryeministri, ngarkoi Kryeinspektorin e Përgjithshem, që të kordinoojë dhe drejtojë Task Forcën për zbatimin e masave në kuadër të luftës ndaj Covid-19.
Edi Rama: ”Nuk jemi në këtë luftë vetëm dhe të vetmit. Ky është momenti që të kujdesemi për njëri-tjetrin. Është momenti për të bërë durim. Imagjinoni sërish një karantinë të dytë. Uroj që ta bëni këtë punë me përkushtim. Nuk është një punë e përditshme, është një mision humanitar i të gjithëve ju, me në krye ministren, kryeinspektorin për të bërë çmos që të ulim intensitetin e shpërndarjes. Covid-i nuk ikën vetë, ajo që kemi në dorë është të ulim intensitetin.’’
