Kryeministri Edi Rama, në takimin elektoral të Partisë Socialiste në qytetin e Lushnjës tha se është krenar për reformat që ka arritur me aleatët por krisja me ata edhi kur atyre ju kërkua që të votojnë në parlament reformën në drejtësi.
“Të tërë janë kundër nesh sepse ëndërrojnë se reforma në drejtësi nuk do të zbatohet kurrë. Të gjithë socialistët janë krenar për koalicionin dhe reformat e votuara por krisja me aleatët erdhi kur u fol për të votuar reformën në drejtësi,” tha Rama.
Gjithashtu, Rama shtoi duke u bërë thirrje qytetarëve, “nëse doni që portën e drejtësisë që e hapën me pasion atdhetar të mos mbyllet prapë, ka vetëm një garanci dhe kjo është Partia Socialiste e Shqipërisë. Kush voton bën detyrën patriotike të anëtarit apo të anëtares së gjykatës së popullit. Të mos votosh do të thotë të ja bësh më të lehtë punën krahut të gabuar.”
