Rrjetet sociale janë kthyer tashmë në një formë, ku qytetarët kanë të vetmen derë të hapur për tu ankuar. Kështu ka ndodhur edhe sot, sikundër edhe më herët, pasi klasa jonë politike përçon një mesazh, ku krenohen për arritjet e tyre.
Është Rama i cili thotë se është vlerësuar sezoni turistik shqiptar, si në bregdet ashtu dhe në zonat e mrekullueshme malore. Kjo arritje ka nxehur ndjekësit, të cilët nuk kanë kursyer kritikat.
Një prej tyre i shkruan se pushuesit shqiptarë do të ikin çdo ditë e më shumë, pasi çmimet janë të papërballueshme. Një tjetër i kujton një fakt të dhimbshëm, se shqiptarët e kanë të pamundur që të bëjnë këto pushime luksi, e të vetmit që na frekuentojnë janë të huajt.
Duke bërë një krahasim me vendet e tjera, qytetarët e shohin të udhës të mos frekuentojnë më plazhet shqiptare, pasi nuk justifikojnë çmimet e kripura.
