Kryeministri Edi Rama ka njoftuar se po zhvillon një konsultë me drejtuesit e Policisë së Shtetit.
Përmes një postimi në Facebook, Rama tregon se po diskutojnë në lidhje me lehtësimet e mëtejshme që pritet të ndërmerren. Kreu i qeverisë shton se po konsultohen edhe për garantimin e standardeve të mbrojtjes nga virusi, gjatë procesit të normalizimit të situatës.
“Konsultë me drejtuesit e Policisë së Shtetit për lehtësimet e mëtejshme dhe garantimin e standardeve të mbrojtjes nga armiku i padukshëm, gjatë tranzicionit të ndërlikuar drejt normalizimit”, shkruan ai në postimin e tij.
Kryeministri Rama prezantoi ditën e djeshme paketën e zgjeruar ekonomike, në lidhje me situatën e krijuar nga koronavirusi. Sipas tij, kjo paketë do t’i vijë në ndihmë 176 mijë qytetarëve të afektuar nga kjo krizë.
