Kryeministri Edi Rama ka mbajtur një konferencë me Ministrin e Jashtëm gjerman, në kuadër të vizitës së tij në Tiranë. Rama falenderoi po kështu edhe kancelaren Merkel, për mbështetjen ndaj procesit të integrimit dhe reformave në Shqipëri.
“Respekt dhe mirënjohje për vëmendjen e Gjermanisë. Ne i japim rëndësi marrëdhënies me Gjermaninë, dhe e konsiderojmë me një rëndësi historike angazhimin e qeverisë gjermane, për të iniciuar atë që tani njihet si procesi i Berlinit.
Ne jemi shumë mirënjohës kancelares për rolin e rëndësishëm, në funksion të mbështetjes të një prej reformave më të mëdha, siç është ajo e Reformës në Drejtësi. Më vjen mirë të theksoj se ne kemi qenë dhe mbetemi te vendosur në ruajtjen e një linje koherente në politiken e jashtme. Falenderoj ministrin gjerman për vizitën, dhe që ka zgjedhur që drekën ta kaloni në Shqipëri mes Maqedonisë dhe Greqisë”, tha Rama.
https://tiranatoday.com/negociatat-me-be-ministri-gjerman-shqiperia-prane-anetaresimit-ekziston-frika-e-shkembimit-te-territoreve-kosove-serbi/
