Në një konferencë për mediat nga Ohri, kryeministri Rama ka komentuar deklaratat e tij për zvarritjen e procesit të anëtarësimit të Shqipërisë nga BE. Sakaq, kreu i qeverisë shqiptare u shpreh se ai është “100% europian i përkushtuar”. Ai vendosi pikat mbi “i”, se përsa kohë BE është projekti më i madh, është dhe destinacioni i yni.
“Unë nuk akuzoj BE-në. Përkundrazi, unë jam një europian 100% i përkushtuar dhe i vendosur si me BE-në si pa BE-në.
Përsa kohë BE-ja është projekti më i madh dhe më i guximshëm që mendja politike ka krijuar, është dhe destinacioni im dhe i yni.
Është vetëm fakt që BE na ka zvarritur, që jep fjalën dhe nuk e mban. Këtë unë jam i fundit që e them pasi e kanë thënë vetë përfaqësuesit e BE-së. Kur të ktheheni dhe njëherë, shikoni se ka një korsi të dedikuar të kanalit të gjelbër të Ballkanit të Hapur”.
