Protesta e studentëve është shoqëruar me parulla pikante, ku për disa prej tyre ka vendosur që të reagojë edhe kryeministri Edi Rama. Ai ironizon sërish protestën e tyre duke u kërkuar që të vendosin nëse duan të dialogojnë apo të kërcënojnë duke u bërë krah me Monika Kryemadhin.
Në rrjetin social Instagram Rama ka shpërndarë dy nga parullat e studentëve dhe u ka bërë një përshkrim ironizues. Në njërën prej tyre shkruhej: I duam tarifat sa Erion Braçe!
Ndërsa Rama shkruan: Asgjë nuk është e pamundur nëse bëhemi bashkë dhe për më tepër Erion Braçja është shumë dakord?(Por duhet të zgjidhni o të dialogoni o të kërcënoni, o me universitetin o me politikën, o me Erionin o me Monikën?)
Ndërsa tjetra ishte një postim ku kërkohej edhe bojkotimi i gjimnazeve për të kërkuar cilësi në arsimin e tyre.
Kryeministri i përgjigjet me tone të ashpra duke e politizuar protestën si të Monika Kryemadhit dhe Xhelal Mziut: Po këto ngjyrat mos ju kujtojnë ndërmarrjen e teta Monikës? Ajo fton nesër të miturit e Tiranës t’u bashkohen të rriturve të Bashkisë së Kamzës, në protestën për Universitetin #LSIpd?
Si Doktore Shkencash ajo ka studiuar efektin stimulues të lënies së mësimit tek gjimnazisti, ndërkohë që Profesor Xhelal Mziu, ka kryer një sërë studimesh për efektin e lënies së punës në sistemin tretës të nëpunësit me diplomë Kristali?
