Gjatë prezantimit të paketës “Anti-KÇK” në repartin e RENEA-s, kryeministri Edi Rama komentoi gjykatësen e Krujës, Enkeleda Hoxha, e cila vendosi të pranojë kërkesën për lirim të Endrit Dokles, ish-anëtarit të bandës së Durrësit.
“Nga vendimet e gjykatësve sikur ishte rasti i fundit të gjyqtares pa tru, veshë dhe zemër, por vetëm me xhep që kanë sjellë lirime monstrash”, tha Rama teksa ironizoi edhe faktin që këta persona gjejnë dhe punë pasi dalin nga burgu.
Kujtojmë se disa muaj më parë nga burgu u lirua Lulzim Berisha dhe në arsyetimin e vendimit të tij ishte dhe një garanci për punë e lëshuar nga Bashkia e Durrësit e drejtuar në atë kohë nga Vangjush Dako.
