Kryeministri Edi Rama ka inspektuar ditën e sotme rindërtimin e banesave në Durrës.
Përmes një postimi në Facebook, Rama bën me dije se deri në 26 mars do të jenë gati 1679 apartamente. Bashkë me të ishte edhe kryebashkiaku i komanduar i Durrës, Zhyljen Varfaj i cili theksoi se problem mbetet fuqia punëtore. Kjo sipas tij, pasi punëtorët e kualifikuar janë të zënë me banesat që janë në ndërtim e sipër.
Kryebashkiaku tha se pas 1679 apartamenteve që janë gati pas një muaji, janë edhe 1600 të tjera në Durrës për t’u rindërtuar.
Zhyljen Varfaj: Ata që nuk kanë aplikuar janë emigrantët. Këtu jemi në hapat e fundit të përfundimit të rindërtimit.
Edi Rama: Sa janë të tjera që presin, në proces?
Zhyljen Varfaj: Ato që neve na dalin në aktet e konstatimit janë rreth 1600 apartamente të tjera. Që të aplikojnë subjektet dhe të vazhdojnë. Problem është fuqia punëtorë. Shumica e punëtorëve të kualifikuar janë në ato që janë në proces e sipër.
Janë bërë 3300 aplikime. Më pas do të vijojnë aplikantët e këtyre apartamenteve. Bonuse qiraje kan fituar rreth 2700 familje me një vlerë prej 61 milion e 450 mijë lekësh.
Rama: Keni mbaruar punë planet me këto zonat?
Zhyljen Varfaj: Po. Ajo që kaluat.
