Kryeministri Edi Rama ka kërkuar nga Policia e Shtetit që të vazhdojë punën. Ai kërkoi që policia të mos pengohet nga akuzat e ‘balta’ e hedhur.
Rama po mban një takim me drejtuesit e policive vendore. Kryeministri ka publikuar disa statistika teksa shprehet se numri i vrasjeve është ulur.
Duke iu referuar vrasjes në Bllok, Rama tha: “Kam kërkuar që të flas me ju dhe përmes jush me të gjithë punonjësit e Policisë së shtetit. Po kalojmë një moment kur mbi publikun, e mbi Policinë e Shteti është marrë një fushatë shpifjesh të rrezikshme. Bota i njeh si Fake News që përhapen. Lajmi i rremë, shpifja ka qenë me ne në faqet e gazetave dhe në mediat tradicionale. Kam ardhur këtu, sepse dalldia e shpifjes nuk duhet të ndikojë në asnjë mënyrë në punën tuaj.
Fëlliqësitë e hedhura mbi uniformat e tuaja, nuk duhet t’ju shpërqendrojë nga misioni dhe qëllimi i këtij trupi. Që nga të fortët e llojit, që sollën përgjakjen e bllokut në Tiranë, e deri tek ata kundra-vajtësit që shkelin rregullat.”
Jo vetëm kaq, por Rama shprehet se Shqipëria është një vend më i sigurt se Britania, Franca apo Suedia, ku indeksi i vrasjeve është shumë më i lartë.
