Çështja e emigrantëve u ridiskutua sërish mesditën e sotme. Në përfundim të takimit informal në Durrës, mes kryeministrave të Ballkanit, Rama tha në konferencën për media se nuk ka asgjë të fshehtë, por është vetëm një gjest human.
https://tiranatoday.com/emigrantet-rama-ska-tregti-me-be-evropa-te-zgjohet/
Ai tha se ky reagim vjen për të mos ndenjur spektator, duke e cilësuar si një shfaqje dhimbje dhe turpi.
I prekur nga kjo situatë, kryeministri sqaroi se vendi ynë dha një kontribut, për aq sa kishte mundësi.
Ju u prononcuat në mediat e huaja për gatishmërinë, për marrjen e emigrantëve në Itali. Sa mendoni ju që ky vendim do të ndikojë në rrugën e Shqipërisë drejt BE-së?
Nuk e kemi bërë këtë mbi këdo qoftë. Ne e kemi bërë këtë, për të mos ndenjur spektator, në një shfaqje dhimbje dhe turpi. Nuk mund të shikonim njerëz që kishin ardhur nga ferri, qëndronin të burgosur nga impotenca e politikës, rajonale pse jo dhe evropiane.
Ne bëmë aq sa mundëm, është rasti për të kujtuar se Ballkani në krizën e 2015, atë që duhet të bënte e gjithë Evropa. Vendi ynë nuk ka asnjë qëllim të fshehtë, por është në botën mediatike për të rrëmuar në gjëra të fshehta.
