Kryeminstri Edi Rama, ka reaguar pas mesazhit që Presidenti i Republikës, Ilir Meta i dërgoi Asamblesë së PS, ku i kërkonte anëtarëve ta përzenin atë nga partia.
Ndër të tjera, Meta tha se do jepte dorëheqjen nëse Rama provon se është takuar me subjekte të OFL-së.
Rama e pyet përsëri Metën se çfarë borxhi i ka Shqipëria.
Sipas kreut të qeverisë, presidenti po shkallon me dekorata dhe fjalime qesharake.
”Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sekëlldisin jo veç të gjallët po edhe të rënët për liri të këtij vendi, të cilëve u je qepur me dekoratat e me fjalimet e tua qesharake’’, shkruan Rama në Twitter.
Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sekëlldisin jo veç të gjallët po edhe të rënët për liri të këtij vendi, të cilëve u je qepur me dekoratat e me fjalimet e tua qesharake!
— Edi Rama (@ediramaal) October 9, 2020
